(१) नियम ७ बमोजिम बिमकको रूपमा आफ्नो नाम दर्ता गर्नको लागि कुनै स्वदेशी वा विदेशी संगठित संस्थाको निवेदन प्राप्त भएपछि समितिले उक्त निवेदन उपर आवश्यक जाँचबुझ गरी निवेदक संगठित संस्थासँग कुनै कुरा बुझ्नुपर्ने भए सो कुरा समेत बुझी त्यस्तो निवेदक संगठित संस्थाको नाम बिमकको रूपमा अनुसूची–२ बमोजिमको दर्ता किताबमा दर्ता गर्नुपर्ने छ ।
(२) उपनियम (१) बमोजिम निवेदक संगठित संस्थाको नाम दर्ता किताबमा दर्ता गरी सकेपछि समितिले त्यस्तो निवेदक संगठित संस्थाले गर्न पाउने बिमा व्यवसायको किसिम समेत उल्लेख गरी अनुसूची–३ बमोजिमको ढाँचामा प्रमाणपत्र दिनुपर्ने छ ।